Talk to Papa Joe: Maluibon

Dear Papa Joe,

Tawga lang ko og Jerome, 35 years old, usa ka OFW. Ang akong suliran kabahin sa akong asawa nga usa ka call center agent.

Siguro dili niya madawat ang akong sala niya samtang naa pa ko sa gawas kay tagsa ra man ko makatawag niya kay field man gud ko. Pero para niya nag binuang ko kay mao may sulsul sa iyang mga ginikanan niya kay imposible kuno nga wa koy oras makatawag niya permi.

Ang tinuod sad kay wala ko mauyuni sa iyang mama kay naay panahon nga nangayo nako ni og tabang kay magpaayo sila sa ilang balay ug nanghuwan nako og P500,000, akong gibalibaran kay wa ko anang katidara. Pero di siya makatuo kay nakapatukod daw mi og balay ug naa pay sakyanan.

Karon akong nasakpan akong asawa nga naa nay uyab-uyab lain, nga kaila ra sa iyang mama, anak sa iyang kumare ug nikonsente lang ni kay mga datu. Akong gi-save ang mga litrato ug naa sad siyay mga ig-agaw na andam motistigo nako kon mokiha ko. Unsa may angay nakong buhaton? Tambagi ko.

JEROME

Jerome,

Maayo man nga padayunon na nimo ang imong plano nga ikiha siya para motagam sad ning mga babaye nga magbinuang sa tarong nilang bana. Pero kinahanglan nga lig-on ang imong ebedinsya.

Mas maayo nga makighusay sa ka sa imong asawa ug paminawon nimo ang iyang side. Kon di nimo kaya modawat, mao nay giingon nga naay saktong proseso. Mao nga sa di pa ka mobuhat og lakang nga ikabasol sad nimo, mas maayo timbangtimbanon niĀ­mo tanan, apil na imong mga pagkuwang. Daghang salamat.

PAPA JOE

(sa inyong tampo ipadala lang sa papajoesuperb@gmail.com)