Tattoo competition sa Minglanilla

ANG Southern Tattoo Cebu inabagan sa Manlyd'S Kitchen and Patikan mopahiga­yon og Southbound 2017 On-The-Spot Tattoo Competition karon sa Minglanilla Sports Complex, lungsod sa Minglanilla.

Gawas sa mga ganting salapi ug tropeyo nga nakahan-ay alang sa mga mananaog sa matag kategoriya, aduna usay round trip ticket alang sa Best of Show winner sa maong kompetisyon.

Ang tulo ka kategoriya mao ang Pro-Colored, Pro-Black and Grey ug Non- Pro (open) category.

Sa Pro-colored ug sa Pro-Black and Grey category ang matag top three winners makadawat og tag P10,000, P5,000 ug P3,000 nga may tropeyo ug plake samtang sa non-pro, ang nag-unang tulo ka mananaog adunay ganting P5,000, P3,000 ug P2,000. Makadawat usab sila og plaka ug tropeyo.

Ang registration fee nagkantidad og P1,500 alang sa pro ug P1,300 alang sa non pro. Ang entrance fee - P100.

Ang maong kalihukan dili lang usa ka ordinaryong panagtigi sa abilidad sa pagdesenyo og tattoo, usa usab kini ka outreach program.

Makabenepisyo sa kabahin sa kita sa bangga mao ang mga kabus nga mga bata sa Talisay ug Minglanilla pinaagi sa feeding program. (PR)