BFP, Vicsal mihatag og fire extinguishers sa mga tunghaan

ARON masiguro nga wala nay mga tunghaan nga mabiktima sa sunog, usa sa nahimong proyekto karon sa Bureau of Fire Protection (BFP) Central Visayas, mao ang pagpanghatag og mga fire extinguisher sa mga pampublikong tunghaan.

Niadtong Martes, mokabat sa 15 ka fire extinguisher ang gitunol sa BFP 7 ngadto sa Regino Mercado Elementary School sa Brgy. Pahina Central dakbayan sa Sugbo.

Kini pinaagi usab sa tabang sa Vicsal Foundation Inc., sa ilang corporate social responsibility, diin sila nangayo og tabanho.

Ang BFP 7 na usab ang nipili sa mga tunghaan nga hatagan niini, base na usab sa request sa mga skwelahan. nahimong pilot school, mao ang Regino Mercado Elementary School.

Isunod usab unya ang ubang mga dagkong pampublikong tunghaan sa dakbayan sa Sugbo, lakip na sa probinsya sa Sugbo, lalawigan sa Bohol ug sa Siquijor.

Matod ni BFP-7 regional director, Fire Senior Supt. Samuel Tadeo nga usa usab kini sa ilang paagi alang sa ilang kampanya pagminus sa aksidente sa sunog sa Central Visayas.

Sa pagkakaon, upat ka mga tunghaan pa ang ni request sa ahensiya nga hatagan usab sa for extinguiser.

Ang executive director usab sa VFI nga si Liezel lupina – nagkanayon nga dili ni una nga nihatag sila og hinabang nga fire extinguisher.

Una niini naghatag na usab sila sa usa ka tunghaan sa Lapu-Lapu City.

Mokabat og P22,000 ang kantidad sa tanang mga fire exti­nasyon, usa ka pamaagi sa pagpugong sa sunog.

Niabot na sa 43% ang pagkunhod sa natala nga sunog sa Central Visayas karong tuiga itandi sa 2016.

Sud sa Enero-Hunyo 2017, ang BFP 7 nitala lang og 333 ka kaso sa sunog, itandi sa niaging tuig nga 544 ka natalang sunog sa rehiyon. (HBL)