'Lantawan' magasin ilusad karong adlawa

SUGOD karong adlawa, mapalit na ang "Lantawan" magasin nga proyekto sa mga tinun-an sa Architecture, Fine Arts and Design sa University of San Carlos.

Kini ang ikaduha nga isyu sa Lantawan karong tuiga, matod ni Bro. Bela Lanyi, SVD, ang editor-in-chief sa magasin.

Ang magasin nagbalor og P200 matag kopya ug mapalit sa tanang mga sanga sa National Bookstore Inc. sa Metro Cebu ug gawas sa Sugbo, Casa Gorordo Bookshop, University of San Carlos Bookshop, ug Archdiocesan Museum Bookshop.

Kini nag-feature kon asa padulong ang Sugbo, mga desinyo sa edipisyo, kahimtang sa trapiko sa Sugbo ug uban pa.