32mil na ang mga eskolar sa Aboitiz

MAS malambuon ug mabu­ngahon ang school year 2017-2018 alang sa mga Sugbuanong mga tinun-an sa mga publikong tunghaan uban sa presensiya sa Aboitiz Foundation, ang corporate foundation sa Aboitiz Group.

Sa miaging buwan, ang Aboitiz Foundation niha­tag og ubay-ubay ka mga donasyon, nanghatag og mga tseke ug school supplies sa Banilad Center for Professional Deve­lopment diin 40 ka technical-vocational scholars ang nakabenepisyo.

Nanghatag usab sila og school supplies sa City Social Welfare and Development Offices sa mga siyudad sa Talisay ug Lapu-Lapu diin 158 ka mga bata sa Talisay ug 287 sa Lapu-Lapu ang nakabenepisyo.

Nakadawat usab og ayuda ang Department of Education ug Children of Cebu Foundation Inc., diin 459 ka mga tinun-an ang nabulahan.

Gilab-as usab sa foundation ang 37 ka college scholarships sa lalawigan ug gihatagan og award ang 27 ka mga estudyante sa Science and Technology Education Center, diin ang foundation nakasuporta na og 128 ka scholars sukad niadtong 2002.

Matod ni Aboitiz Foundation First Vice President ug Chief Operating Officer Maribeth L. Marasigan, paagi kini nila pagtabang sa gobiyerno makaha­tag og edukasyon sa kabataang Pilipino.

Nakigtambayayong usab sila sa DepEd ug non-government organizations sa pagpatukod og classrooms, pagpa-upgrade og mga pacilidad sa mga tunghaan, paghatag og scholarships alang sa mga estudyante ug pagbansay sa mga magtutudlo.

“For us, the ultimate measure of our CSR (corporate social responsibility) efforts is in knowing that our beneficiaries have made a better life for themselves...” pahayag ni Marasigan.

Sa 2016, ang Aboitiz Group nakahatag na og 32,429 ka scholarship grants sukad niadtong 1988. Sa samang tuig, kini nagtabang sa 297 ka scholars sa kolehiyo, 11 sa mga nigradwar nakatrabaho na sa mga kompaniya ubos sa Aboitiz. (PR)