Tambagi ko Noy Kulas: Annulment

Dear Noy Kulas,

Tawga lang ko sa ngalan nga V, now living outside the Philippines. I was married for more than 20 years but was separated three years ago and my ex-husband is now living with another woman.

Ang among separation di pa legal kay wa may usa namo nga ni-file og divorce or annulment. Ako di ko uyon sa divorce kay ako Catholic ug kasado kami sa Catholic church diha sa Pilipinas. Mo-prefer ko og annulment kay at least aprobado sa Vatican (asta sa Ginoo).

Duna lang koy mga pa-ngutana. Basin duna kay mga basic nga nahibaw-an. At least may idea lang ko on how to go about it. How long kaha, Noy, ang processing until approval? And the cost roughly? This is the most important that I need to know bisag estimate lang kay kon ma-afford, anha pa ko moadto og lawyer.

Thank you so much for your time.My best regards to you and staff.

MS. V

Ms V,

Kon kasado mo sa church, duha ang imong agIan. Sa civil nga aspeto ug simbahan. Mahimong ma-annul ka sa civil, apan basin di sa simbahan. Sa civil nga aspeto, adto ka og abogado nga mao nay mohikay alang sa pagpasaka sa annulment sa korte. Kaniadto sa dihang diri pa akong higala sa Pilipinas, ang iyang pangayo P140,000. Dala na ang psychologist niana ug iyang serbisyo. Package na silbe. Ambot kaha karon kon pila na kay dugay na man to.

Sa simbahan, dunay marriage tribunal nga moresolbar ug mohukom sa imong annulment. Busa, di sayon niana ang imong gusto. Matod sa akong higalang pari, mga anaa sa P40,000 ang magasto sa annulment sa simbahan. Moadto ka sa Patria de Cebu, atbang sa Cebu Metropolitan Cathedral kay mas nakahibawo sila sa pila ang rate karon.

Sa ako nang giingon, gasto ang annulment mao nga daghan sa mga nagkabuwag ug nakapag og laing partner nga magpuyo na lang, magpirmahay sa legal separation.
Hinaut nakatabang ko nimo sa pagpasabot.

NOY KULAS

(kulassuper@sunstar.com.ph)