Martin: Piolo, Yen Live sa SM City Cebu

AC Martin

KARONG Marso 24, Biyernes naa silang Piolo Pascual ug Yen Santos sa Sugbo alang sa promo tour sa ilang pelikulang "Northern Lights: A Journey To Love."

Starring sad dinhi ang child actor Raikko Mateo nga unang nagbida sa teleseryeng “Honesto.”

Ang mall shows nilang Piolo ug Yen himuon sa SM City Cebu, 4 p.m. ug SM Seaside City, 6 p.m.

Ang romantic-drama Northern Lights, nga gi-shoot pa sa New Zealand, showing na karong Marso 29.

Nakakita na mo sa Beauty and the Beast?

Naay mga gipuno sa estorya nga wala na unta kinahanglana. Medyo dragging sad ang duha ka oras kapin nga running time.

Hinuon, sa kinatibuk-an nindot ang maong Disney's live-action remake sa 1991 animated feature.

Nakatabang ang kamaayo moda sa iyang inosenteng kaanyag ang bidang si Emma Watson sa papel nga “Belle.”

Daghan og magical moments ang maong lilas ug duna say kanta-kanta nga feel-good sa audience.

Devon sa Cebu

Nitambong ang Cebuana ug Kapamilya star Devon Seron sa block screening sa iyang horror movie nga “Pwera Usog” sa SM Seaside niadtong Dominggo sa hapon.

Si Devon Seron nadiskubre dihang nahimo siyang housemate sa Pinoy Big Brother: Teen Clash 2010 ug nidaug nga 4th big placer. Batch niya silang Ryan Bang ug James Reid, kinsa maoy gideklarar nga Big Winner.

Si Devon kanhi sakup sa Girltrends nga regular sa It’s Showtime apan desisyon kuno sa management nganong wala na siya sa maong grupo.

Te diay?

Wala ko kauyon sa gisulti ni Noven Belleza sa interbyu sa "Tonight with Boy Abunda" nga dili na lang kuno hisgutan ang iyang girlfriend kay it’s private.

Private? Abi nakadaug ka na man! Nakalimot ka sa una nimong apil sa Tawag ng Tanghalan naa sa audience ang imong uyab ug proud pa kaayo nimong gipailaila sa publiko.

Gitambagan tingali ni siya sa management kay ingon ana man gud na sa showbiz bawal hisgutan ang uyab.

Pero singer man ka, di man ka artista. Private ka diyan!