Gabby nangayo og P10 milyon?

AC Martin

DUNAY chika nga P10 million ang gipangayong talent fee ni Gabby Concepcion sa reunion movie nila ni Sharon Cuneta.

Mao kuno ni rason nganong hangtod karon wala pa masugdi ang shooting sa ilang pelikula sa iyang ex-wife.

Sa interbyu sa Superbalita Cebu niadtong Enero, ang rason ni Gabby nga wala siya kauyon sa script nga gipresentar sa iya sa Star Cinema.

Matod usab sa 53-anyos nga aktor nga wala siya ganahi nga sige og pagarpar si Sharon nga magsugod na sila og shooting nga wala pa gani siyay nadawat nga kontrata.

Niadtong usang semana, ang katarungan na sad ni Gabby nga humanon lang una niya ang kontrata sa GMA nga matapos sa July, 2018 sa dili pa siya modawat og laing proyekto gikan sa laing estasyon.