Jimenez-Joaquino PBF title fight sa Medellin

HUMAN sa siyam ka mga buwan, mobalik og away si Junriel Jimenez aron makigbatok kang Elias Joaquino alang sa inilugay sa Philippine Boxing Federation (PBF) jr. bantamweight title karong gabii sa “Sumbagay sa Medellin - Halad Ni Sr. St. Nino” boxing card sa Medillen Sports Complex sa lungsod sa Medillen, Cebu.

Si Jimenez moaway sa labing unang higayon sa jr. bantamweight event ning promosyon nga gipaiugdahan sa Local Government Unit sa Medellin inabagan sa Big Yellow Promotions ug ni sportsman Lorenzo “Chao” Sy.

Dala ang 8-1, 5KOs nga rekord, si Jimenez nagtinguha sa labing una niyang titulo gikan sa iyang pagsulod sa professional rank niadtong 2015.

Gilauman nga mosagubang og malisod nga away si Jimenez batok kang Joaquino, kinsa mas taas og kasinatian kumpara kaniya. (ESL)