Bigtime derby sa Gallera karong Dominggo

BIGTIME derby ang masaksihan karong Dominggo sa dihang mo-host si Engineer Sunny Lagon og 6-cock derby diha sa Gallera de Mandaue sa barangay Tabok, Mandaue City.

Sa pot money nga P110,000, ang entries adunay kahigayonan nga malakip sa pagsakmit sa ganting P4 million.

Gawas niini, isip pagdasig sa mga mahiligon sa derby aduna usay raffle draw nga may premyong tulo ka brand new nga Honda Wave motorcycle alang niadtong mga nipulta.

Sa Abril 19, laing 4-cock/bullstag derby ang ipahigayon usab ubos sa 2KR promotion nga mosugod sa alas 4 sa hapon. Gibanabana nga moabot ngadto sa 80 ka sultada ang magkombati sa maong derby nga may ganting P300,000.

Laing 4-cock nga ubos sa promotion ni Mikko Canoy ang ipahigayon usab sa adlawng Biyernes nga, sa gihapon, adunay ganti nga P300,000. (PR)