San Fernando training sugdan ugma

SUGDAN na ugmang adlawa ang tinuig nga basketball Training Camp sa San Isidro gym­nasium diha sa lungsod sa San Fernando, Sugbo.

Kini maoy gibutyag sa training director nga si Danny delos Santos, kanhi sentro sa Cebu Doctor’s College (CDC) Stallions kinsa nakaduwa na usab sa pipila ka commercial teams sa Sugbo.

Matod ni delos Santos nga ang session sugdan sa alas 6 sa hapon hangtod na sa alas 10 sa gabii matag adlawng Lunes ug Biyernes.

Sa registration fee nga mo­kantidad og P1,500, libre na niini ang bola ug jersey nga may logo sa San Fernando Basketball Camp.

Dugang ni delos Santos nga ang training camp alang lang niadtong nagpangidaron og 7 anyos ngadto na sa 17 anyos.

Alang sa mga interesado ma­himong, mokontak sa 09177871824 ug 09235607953 ni assistant training director nga si Edoy Daan. (PR)