99% nga segurado

TALIWALA sa pag-insister ni Top Rank boss Bob Arum nga wala pa’y kaseguroan ang pagpakig-away ni Manny Pacquiao batok kang Lucas Matthysse karong Hun­yo 24 sa Malaysia, ang kampo sa Pambansang Ka­mao sa Pilipinas mibutyag nga 99 porsiyento na kining madayon.

Ang MP Promotions, nga gi­panag-iya ni Pacquiao, na­mahayag nga nakatakdang moabot si Matthysse ug ang promoter niini nga si Oscar Dela Hoya sa Golden Boy Pro­motions sa Pilipinas sa premirong semana sa sunod buwan aron sugdan pag-promote ang away.

Usa ka press conference ang ipahigayon aron paglusad sa away diin suwayan pag-ilog ni Pacquiao ang World Boxing Association (WBA) welterweight title ni Matthysse.

Mobiyahe sab sila si Pacquiao ug Matthysee sa Ma­lay­sia sa dili pa ang ilang pa­­nagsangka isip tipik sa promotional tour.

Si Arum, kinsa dugay na nga promoter ni Pacquiao a­pan wala’y kalambigitan ning a­­waya, padayon nga nipada­yag sa iyang pagduda nga madayon ang away.

“The Malaysia part is up in the air. I don’t know these Malaysian people. If they put up the money, it’ll happen, happily,” matod pa ni Arum nga napatik sa www.spin.ph.

“But do I know whether the money will be put up? No, I don’t. It’s as simple as that.”

Apan bisan pa niini, si Pac­quiao, 39, nagsugod na sa iyang training camp nga mag­tapontapon sa Manila ug Ge­ne­ral Santos City. (ESL)