Romeo, Batang Pier nagbikil?

DAW nagkalawom ang diperensya sa GlobalPort Batang Pier ug sa labing sinaligan niini nga si Terrence Romeo human sa taho nga wala gipahibalo ang maidlas nga pointguard sa labing unang praktis sa team kagahapon gikan sa ilang pagpanamilit sa Philippine Basketball Association (PBA) Philippine Cup.

Ang kampo ni Romeo miingon nga sa taho na lang sa usa ka panantalaan nila nasayran ang kabahin sa praktis.

Hinuon dihang gikuhaan og komentaryo sa Spin.ph, gipasabot ni GlobalPort governor Erick Arejola nga ang praktis kagahapon alang lang sa ilang reserbang mga magduduwa.

Gitataw ni Arejola nga ugma pa opisyal magsugod ang ilang praktis alanbg sa sunod nga komperensya sa PBA.

Dili pa lang dugay, ang Talk N’ Text KaTropa misuway pagkuha kang Romeo pinaagi sa trade nga naglambigit og upat ka mga magduduwa apan wala kini aprubahi sa PBA. (ESL)