Basketball clinic gipahigayon sa CP

ARON maandam ang coaches sa umaabot nga 2nd Governor’s Cup 21-Under Basketball Tournament, ang Cebu Provincial Sports Commission (CPSC) nagpahigayon og tulo ka mga adlaw nga coaching clinic sa Mandaue Cultural and Sports Complex.

Ang clinic, nga gidumala ni kanhi Philippine Basketball Association (PBA) star ug kasamtangang San Beda Red Lions coach Boyet Fernandez, nagsugod kagahapon.

Nagkanayon si CPSC executive director Atty. Ramil Abing nga alang kini sa coaches ug assistant coaches sa partisipanteng local government units (LGU).

Ang torneyo opisyal nga magsugod karong Abril 15 sa Cebu Coliseum.

Ning higayuna, moabot sa 45 ka teams gikan sa pito ka mga distrito sa Cebu Province ang magsangka sa kompetisyon nga magdalit og P500,000 nga ganti sa kampiyon, P300,000 sa 2nd placer, P200,000 sa 3rd placer ug P100,000 sa 4th placer.

Ang mga sakop sa South Division mao ang Talisay City, Minglanilla, City of Naga, San Fernando, Carcar City, Sibonga, Argao, Dalaguete, Alcoy, Boljoon, Oslob, Santander, Samboan, Ginatilan, Alegria, Moalboal, Alcantara, Badian and Dumanjug, Barili, Aloguinsan, Balamban ug Asturias.

Naglangkob sa North mao ang Mandaue City, Tuburan, Tabuelan, San Remigio, Medellin, Daanbantayan, Santa Fe, Bantayan, Madridejos, Tabogon, Bogo City, Danao, Borbon, Sogod, Catmon, Carmen, Compostela, San Francisco, Poro, Tudela, Consolacion ug Cordova. (RSC, ESL)