Blatche moduwa sa PBA?

WA isalikway ni Andray Blatche ang posibilidad nga moduwa siya sa Philippine Basketball Association (PBA) sa umaabot nga conference.

Kini maoy pasumbingay sa 6-10 nga Philippine naturalized nga Blatche sa dihang gikuhaan og reaksiyon sa pangagpas ni Alaska forward Calvin Abueva.

Sa nasayran, si Abueva, 6-3, kinsa padayong nag-ensayo sa Gilas Pilipinas bisan pa man og gi-dropped kini ni Gilas headcoach Chot Reyes, namahayag sa mga tigbalita nga kondisyon kaayo si Blatche ug posibling moduwa sa PBA.

Gipasabot ni Abueva ang Commissioner’s Cup diin gitugotan ang matag team nga makakuha og import nga may gitas-on 6-10.

Kon kini mahitabo, matod ni Abueva, nga iya kining gihangop ug dakong hagit nga iya kining makontra.

Blatche nitan-aw sa duwa tali sa Alaska ug sa NLEX Road Warrios niadtong Dominggo. Sa maong duwa, gilubong og 30 puntos ang Alaska apan sa kalit lang nakagukod ug nakasikit kini una pa mapildi,96-89.

Niadtong Biyernes niabot sa Pilipinas si Blatche aron moduwa sa Gilas Pilipinas alang sa second window sa FIBA World Qualifiers samtang si Abueva mahibalik sa ineup sa maong team alang sa third window. (JBM)