YG Logistics gipangligsan sa Ryle Trucking

GIPUKAN sa Ryle Trucking and Logistic ang YG Logistics and Customs Brokerage, 70-63, nga maoy nagtuldok sa elimination round sa Aduana Basketball Legends (ABL) sa San Roque gym, dakbayan sa Sugbo.

Ang JD&M milabni usab og kadaugan sa dihang wa makatunga ang ECU Worldwide.

Sa maong kadaogan, nahiĀ­mutang sa ika-unom nga pwesto ang Ryle Trucking (2-4) samĀ­tang maoy kinaubsan ang JD&M sa ilang 1-5 nga baraha.

Magpa-abot pa sa ilang ikasangka ang top seeds Canillas-A ni Roy Canillas ug ang RCB ni Richard Rongcales nga parehong may 5-1 nga baraha human sa kombati sa elimination round.

Sa quarterfinals, naa sa ikatulong luna ang ECU Worldwide (3-3), ug ikaupat usab ang YG (3-3) samtang ikalima ang Canillas-B (2-4).

Mag-agi una og pipila ka kncoutout games ang mas ubos og seedings sa dili pa himoon ang semifinals diin adunay twice-to-beat advantage ang Canillas-A ug RCB.

Puntos matag usa:

Ryle Trucking (70)-Palad 24, Petracorta 11, Amante 10, Garcia 9, Bacalla 8, Jamolin 4, Martinez 2.

YG Logistics (63)-Bejoc 13, Fuentes 13, Velez 9, Rodriguez 9, Gonzales 6, Pastor 6, Deligero 5, Villahermosa 3, Empleo 2. (PR)