Voltes 5, Magnificent 7 magkausa, asoy ni Sy

MASALIGON ang tag-iya sa Blackwater Elite nga si Dio­celdo Sy nga magkatagbo ra ang Philippine Basketball Association (PBA) board aron madesisyon ang kabahin sa lakang nga pagpalagpot kang commissioner Chito Narvasa.

Nagkanayon si Sy nga sa iyang tan-aw, mausab ang baruganan sa lima ka teams nga nagsuporta kang Narvasa ug modapig kini sa laing pito ka teams nga nagtinguha sa pagkatangtang niini sa puwesto.

“After the fires that have happened – the Voltes Five and the Magnificent Seven, I think tension is gone already,” matod ni Sy sa interbyu sa Spin.ph.

“I think the five teams have realized already that majority, which is the seven teams, is not happy with the commissioner, plus a big part of the netizens, the public are also unhappy.”

Niulbo ang kasamok sa li­derato sa PBA dihang giaprubahan ni Narvasa ang kontrobersyal nga trade diin nakuha sa San Miguel ang katungod sa No.1 overall pick sa miaging rookie draft gikan sa Kia Picanto baylo sa pipila ka talagsa ra’ng magamit nga mga magduduwa. (ESL)