Nietes posibli sa Argentina modepensa?

DAKO ang posibilidad nga adto sa gawas sa nasod modepensa sa iyang titulo si IBF world flyweight champion Donnie “Ahas” Nietes.

Si Michael Aldeguer, ang presidente ug CEO sa Ala Promotions, mibutyag nga ang pagdepensa ni Nietes sa iyang korona batok sa mandatory challenger nga si Juan Carlos Reveco sa Argentina hayan dili mahitabo sa Pilipinas.

Iyang gipasabot nga ang kampo ni Reveco interesado nga mo-promote sa maong away ug posibli nga adto kini mapahigayon sa Argentina.

Ang away gikatakda sa tungatungang bahin sa Nobiyembre.

Hinuon, kon di madayon sa Argentina, anhi sa Pilipinas kini mapahigayon. (JBM)