105 pts. ni Harris gihunomdoman

DIHANG nakamugna si Michael Hackett og daw imposibleng 103 puntos niadtong 1985 alang sa Brgy. Ginebra Gin Kings, gituohang dili na kini malabwan.

Apan sa wala damha, si Tony Harris nibuak ning maong rekord pinaagi sa pagpupo og 105 puntos sa 151-147 nga kadaugan sa Swift Mighty Hotdog batok sa Brgy. Ginebra San Miguel niadtong Oktubre 10, 1992 sa Iloilo City.

Ang nahimo sa Amerika­nong import nga si Harris nagpabiling rekord sa Philippine Basketball Association (PBA) hangtod karon.

Gituohan nga dili na kini mabuak. (ESL)