Who’s Next? Pro Boxing series 5, Oct. 27

DEPENSAAN ni Jared Jahleel Payao sa Omega boxing stable ang iyang OPBF bantamweight title batok kang Renerio Arizala sa Peñalosa stable sa main event sa Who’s Next? Pro Boxing Series 5 nga ipahigayon karong Oktubre 27 sa Mandaue City Sports Complex.

Nagkanayon si Omega Pro Sports International (OPSI) vice president Jerome Calatrava nga importante kining awaya alang kang Payao gumikan kay mao kini ang mag-abli kaniya og pultahan alang sa mas dagkong mga away sa umaabot.

Gipasabot ni Calatrava nga plano nilang ihamag si Payao alang sa WBO regional title karong Disyembre kon modaog siya ning awaya.

Si Payao adunay 15-1, 9KOs nga rekord samtang si Arizala naghupot og 13-7-2, 5KOs nga baraha.

Ang stablemate ni Payao nga si Jason Canoy Manigos makigbatok kang Eugene “Rambo” Lagos sa Kamino stable. (ESL)