Canelo mibahad pagbalik og K.O.

GILAB-AS og balik ni Mexican Canelo Alvarez ang iyang bahad nga iyang i-knockout si Gennady Golovkin sa gikaintapan nilang panagharong karong Dominggo (RP time) sa T-Mobile Arena sa Las Vegas, USA.

Mao kini ang gipabuhagay ni Alvarez sa ilang paghiabot ni Golovkin sa Las Vegas kagahapon.

Giklaro ni Alvarez nga dili lang niya tinguha nga maoy labing unang makapilde kang Golovkin, gusto niya kining brutal nga lupigon.

Si Alvarez adunay 49-1-1, 34KOs nga rekord samtang si Golovkin naghupot og 37-0, 33KOs nga baraha.

“Obviously, this is a very important fight,” matod ni Alvarez sa interbyu sa www.boxingscene.com.

“And I’ve prepared like I’ve never prepared to look for the knockout. And that’s what I’m happy for. I’m very motivated to give the fans a beautiful fight and answer a lot of questions. They’ll see it on Saturday night.”

Ning awaya, tinguha ni Golovkin nga ilugon ang International Boxing Federation (IBF), International Boxing Organization (IBO), World Boxing Association (WBA) ug World Boxing Council (WBC) middleweight titles ni Golovkin.

Nagkanayon si Alvarez nga ang agresibong estilo ni Go­lovkin maoy iyang ampay.

“His style is [that of] an aggressive fighter who comes forward, comes to knock [people] out,” batbat ni Alvarez.

“I’m a counter-puncher that’s gonna be right there, countering him strong. So those two styles, those two ingredients, it’s the making of a great fight.”

Dugang ni Alvarez nga nasayod siyang kusog sab og kumo si Golovkin apan masaligon siyang mopatigbabaw ang iyang estilo ug kusog ning awaya. (ESL)