NLEX dili gusto og komplikado

Mga duwa karon
4:15 pm- Rain or Shine batok Phoenix
7:00 pm- TNT batok NLEX

DILI gusto og komplikasyon sa ilang tinguha nga twice-to-beat advantage, ang NLEX Road Warriors misaad nga buhaton nila ang tanan aron mapukan ang Talk N’ Text KaTropa sa main game karong gabii sa Philippine Basketball Association (PBA) Governor’s Cup conference sa Ynares Sports Center sa Antipolo City.

“Our mission is to get to eight wins ASAP (as soon as possible),” batbat ni NLEX coach Yeng Guiao sa interbyu sa www.pba.ph.

Ang Road Warriors kasamtangang nakigbahin sa Brgy. Ginebra Gin Kings sa liderato nga adunay 7-2 nga rekord.

Ang mopatigbabaw nga upat human sa elimination round mao ang makabawon og twice-to-beat nga bintaha sa quarter-finals.

Ning puntoha, ang Road Warriors dili pa maseguro og twice-to-beat nga bintaha ug nagkinahanglan pa nilang makadugang og kadaugan. Aduna pa sila’y tulo ka mga duwa nga nahabilin sa elimination round.

Sa ilang bahin, ang KaTropa nakigbahin sa San Miguel Beermen sa ikatulong luna nga adunay 5-3 nga rekord ug nagkinahanglan sab kini og dugang kadaugan alang sa inilugay sa twice-to-beat bintaha.

Ang KaTropa mokombati nga wala ang usa sa ilang mga sinaligan nga si Ranidel de Ocampo, kinsa ilang gibuhian sa miaging adlaw sa usa ka three-team trade.

“(We have) two tough games to accomplish that. TNT is the first big hurdle. We hope the RDO trade is going to create some adjustment issues that can work to our advantage,” panghinaot ni Guiao.

Apan bisan wa si Ocampo, aduna gihapo’y igong puwersa ang KaTropa. Naa sila si Jason Castro, RR Pogoy ug import Glen Rice Jr. nga mangulo kanila.

“I’ve mentioned this couples of games back, we’re unstable as a team because of a lot of things - Gilas, injuries, then Gilas again. That’s the sacrifice we had to make but it’s really tough,” matod ni TNT coach Nash Racela.

“Di kami makabwelo. Nga­yong kumpleto na, sana makabwelo na.”

Sa premirong duwa, magsangka ang Rain or Shine Elasto Painters ug Phoenix Fuel Masters. (ESL)