Conor mibahad og 2nd rd. KO

MASALIGON si mixed martial arts (MMA) superstar Conor McGregor nga iyang ma-knockout si boxing legend Floyd Mayweather Jr. sulod sa upat ka rounds sa ilang panag-away karong Agusto 26 sa Las Vegas, USA.

Unya kon maaprubahan sa Nevada Athletic Commission ang iyang hangyo nga ang mas nipis nga eight-ounce gloves ang gamiton, matod ni McGregor nga iyang palukapahon sulod lang sa duha ka rounds si Mayweather.

“He’ll be unconscious inside two rounds, really one round, only for the 10-second count I will give him maybe surviving into the second,” matod ni McGregor.

“But if it’s 10-ounce gloves, maybe four rounds. But under four rounds he’ll be unconscious.”

Mao pa lang kini ang labing unang away ni McGregor sa boksing apan aduna kini impresibong 21-3 nga rekord sa MMA.

Kadaghanan sa mga eksperto nag-ingon nga wala’y poruhan nga modaog si McGregor ning awaya apan lahi ang pa­nahom sa MMA fighter.

“I don’t know how many times I’ve shocked the world, and I’m going to shock it once again. It’s not going to end well for Floyd. It’s not going to end well for all the people doubting me,” dugang ni McGregor.

Sama kang McGregor, si Mayweather mibahad sab og knockout nga kadaugan sa gikaintapan nilang panag-away. (AFP, ESL)