Pagara batok Australyano?

POSIBLENG ikaharong ni World Boxing Organization (WBO) No.1 super lightweight Jason Pagara sa ALA stable si Australian Terry Tzouramanis alang sa su­nod niyang tahas.

Ang away nahilakip sa undercard sa title defense mi International Boxing Federation (IBF) junior flyweight champion Milan Melindo batok kang Hekkie Budler karong Septiyembre 16 sa dakbayan sa Sugbo.

Aron madayon ang away, si Tzouramanis, kinsa adunay 17-3-3 nga rekord, kinahanglan una nga modaog batok kang Australian Andrew Wallace sa ilang inilugay sa bakanteng Australia-Victoria State super lightweight title.

“I was asked by ALA matchmaker Edito Villamor to look for a tough Australian boxer to fight Jason Pagara on September 16th in Cebu over 10 rounds non title,” asoy sa promoter ni Tzouramanis nga si Peter Maniatis sa interbyu sa www.philboxing.com.

“Terry needs to be impressive [against Wallace] and I will have him available against Pagara.”

Nagkanayon si Maniatis nga gumikan sa kadaugan ni Jeff Horn batok kang Filipino boxing legend Manny Pacquiao, ang Australian boxers gusto na’ng moasdang sa laing mga dapit.

“l think because of Jeff Horn, it’s given Australian boxers more confidence to perform at international level and more promoters will seek boxers from Australia,” batbat ni Maniatis.

Si Pagara, kinsa adunay 40-2, 25KOs nga rekord, taodtaod na sab nga No.1 contender ni WBO super lightweight champion Terence Crawford.

Apan ang manager ni Pagara nga si ALA president Michael Aldeguer dili interesado sa away batok kang Crawford.

“We’ve heard that Crawford might move up to welterweight,” asoy ni Aldeguer. “If the title becomes vacant, that will be a good opportunity for Jason to fight for the WBO belt.” (ESL)