Federer milabni sa iyang 8th Wimbledon title

MINNEAPOLIS – Gilangkat ni Roger Federer sa Switzerland ang 2017 Wimbledon title pinaagi sa pagpukan ni Marin Cilic final showdown kagahapon sa Centre Court sa All England Club London, United Kingdom.

Si Federer, usa ka dual citizen (Swiss ang amahan ug South African ang inahan), 35, 6’ 1” world ranked no. 5 sa Association of Tennis Professionals (ATP) milaksi sa iyang ikawalo nga Wimbledon title pinaagi sa pagharos sa taga Crotia nga si Cilic 6-3, 6-1 ug 6-4.

Emosyonal nga niduwa si Federer batok ni Cilic sanglit buhi pa sa iyang panumdoman nga gipukan siya makaduha sa nahisgutang korte ni Novak Djokovic niadtong 2014 ug 2015.

“I know I did that and I really kept on believing and dreaming and here I am today with the eight, it’s just fantastic,” ni Federer pa.

Kon naangol ang wala nga tiil sa niaging tuig ni Federer mao sab ang nahiaguman ni Cilic atol sa ilang engkwentro sa finals hinungdan nga nakabintaha sa dinaganay si Federer.

Gumikan sa kadaugan iyang nalakangan ang tagpito ka Wimbledon title holder nga sila si Pete Sampras ug William Renshaw.

Nabulsa ni Federer ang ha­pit $42 million nga premyo ug ma­pun-an nasab ang iyang net worth nga $107,299,486.00. (Da­niel Quindao-Guden, US Correspondent)