World Vision fun run karon

MOSALMOT ang pipila ka sikat nga mga personalidad sa nasod sa 2017 World Vision Run which karong buntag sa Cebu Business Park.

Lakip niini mao sila si TV Host Gretchen Ho, singer ug songwriter Quest, actress Bianca Umali, TV ug radio personality Joyce Pring, TV host Gelli Victor, Filipino-American singer Jesse ug Christian Perkins.

Ang aktor nga si Matteo Guidicelli, kinsa maoy World Vision ambassador ug usa ka triathlete, modagan sab.

Ang kita sa lumba, nga nakahakot og 1,500 ka runners, ihatag hinabang sa World Vision-assisted community sa Sogod, Cebu.

Tipik sab kini sa World Vision’s 60th year anniversary celebration nga adunay tema nga “Caring for Children and Building Sustainable Communities.”

Ang lumba adunay 21-kilometer, 10K, 5K,3K ug Kiddie Dash categories.

Ang 21K mosugod sa 4:30 sa kadlawon, mosunod ang 10K sa 4:45 a.m., 5K sa 5:00 a.m., 3K sa 5:10 ug 500-meter Kiddie Dash sa 7:00 a.m. (RSC, ESL)