Spoelstra, Coach of the year?

Erwin S. Lirazan

NAGKANAYON si Miami Heat pointguard Goran Dragic nga angayang hatagan sa Coach of the Year award sa National Basketball Association (NBA) ang ilang headcoach nga si Fil-Am Erik Spoelstra.

Sa pagbiya ni Dwyane Wade sa Miami aron mobalhin sa Chicago Bulls, daghan ang nag-ingon nga kuli ang poruhan sa Heat nga makaabante sa playoffs ning tuiga.

Apan gipasabot ni Dragic nga gumikan sa maayong paggiya ni Spoelstra, ang ka­samtangang nagkumpayot sa ikawalong dapit sa Eastern Conference dala ang 34-36 nga rekord.

Ning puntoha, dako ang poruhan sa Heat nga makaabante sa playoffs.

“Coach Spo is an unbelievable coach,” matod ni Dragic sa interbyu sa Filipino reporters pinaagi sa Cisco teleconference. “If I can say something, I would like him to win the Coach of the Year. He deserves that.”

Ang Heat nagkagidlay sa sayong bahin sa season ug igo lang kining naggunit og 11-30 human sa 41 ka mga duwa. Apan human niini, ningdaog og 23 ang Heat sa nagsunod nilang 29 ka mga duwa.

“He never uses excuses. We had a lot of injuries at the beginning of the season. But he always puts us in the right position. The main thing with him is keep positive, keep working hard, and things will turn around,” dugang ni Dragic.

“We lost D-Wade, CB (Chris Bosh) was hurt, a lot of new teammates. You need to start all over again and create that chemistry.”

Gipasabot ni Dragic nga si Spoelstra maoy nakaumol sa bag-o nilang puwersa aron makakombati batok sa labing gikahadlukang teams sa NBA.