Registration sa Yaw-yan training gisugdan na

Erwin S. Lirazan

GISUGDAN na ang rehistrasyon sa Yaw-Yan Ardigma Martial Arts Federation, Inc. summer clinic sa Yaw-Yan Headquarters nga nahimutang sa 4th floor sa Coast Pacific Downtown Center atbang sa University of Cebu (UC) Main campus sa dalan Sanciangko, dakbayan sa Sugbo.

Modugang og kaikag ning tuiga mao ang kahigayunan nga makasinati ang mga estudyante sa pag-training sulod sa octagon cage.

“Katong fan kaayo sa UFC, maka-experience na sila kon unsa’y bation kon naa ka sa sulod sa octagon. First time ni nga mahitabo sa atong summer clinic,” matod ni Yaw-Yan Ardigma CEO Master Benigno “Ekin” Caniga Jr.

Ang summer training camp mosugod karong Abril 1.

Puwede sab makat-unan sa clinic ang Muay Thai, arnis, boxing fitness ug combat grappling. Alang sa mga interesado, mahimong motawag sa 09436568900 o mo-log in sa facebook accountnga www.facebook.com/YawyanArDigmaCebu.