CCPO milusad sa ‘Oplan Katok’

HUGOT mipatuman karon ang Cebu City Police Office (CCPO) sa 'Oplan Katok' aron pagsubay sa ilegal nanaghupot og armas ug armas nga wala lisensiya.

Si Sr. Supt. Joel Doria, direkto sa CCPO, niingon nga kabahin kini sa pagpangandam nila sa dakbayan sa eleksiyon sa barangay sa Mayo 14.

Matod ni Doria, gitinguha nila ang pagsakmit og daghang loose firearms pinaagisa pagpanuknok sa kabalayan ug pagsusi kon dunay gihoptan nga armas, wala marehistro o expired na ang ilang lisensiya sa paghupot sa armas.

Apan dili bag-o ang Oplan Katok ug napatuman na kini sa kapulisan niadto apan, gibalik kini tungod sa nagsinga­bot nga eleksiyon.

Giawhag ni Doria kadtong nawad-an og armas ngahinungdan nga wala na kini gipa-renew ang lisensya nga mo- report sa labing duol nga police station ug ipa-blotter nga kini nawagtang.

“They can approach us for safe keeping kung makompleto na nila yung requirements o documents ipa release naman natin yung armas nila kung wala pinalakad na natin ang mga police natin to get the complete list sa firearms na wala pa ma renew,” pasa­bot ni Doria.

Lakip sa iyang gipanawagan niadtong dunay daghang armas sa ilang panimay nga itahan sa kapulisan dungan sa saad nga way kaso nga ipasaka kung iya kining buhaton.

Nabantayan usab ni Doria nga epektibo sa pagpugong sa krimen ang gihimong sub sub nga checkpoint ssa onse ka police stations sa siyudad.

Tungod niini, dili lang kutob sa Mayo 13 ang pagpahigayon sa checkpoint kung dili ipatuman niya kini bisan mahuman na ang piniliay sa Mayo 14.

Lakip sa wala na makahimog krimen ang riding in tandem nga migara sa miaging mga buwan. (AYB)