Loot gustong maimbestigar aron ngan malimpyohan

Astra Zina D. Logarta

SI Daanbantayan City Ma­yor Vicente Loot nagtinguha nga maimbestigar siya sa Department of Justice (DOJ) o sa Department of Interior and Local Government (DILG) aron mahisama nilang Peter Lim ug Kerwin Espinosa.

Si Loot lakip sa mga lokal nga opisyal nga gihinganlan ni Presidente Rodrigo Duterte nga nalambigit sa illegal drugs ug naa sa iyang narcotics list.

Si Loot nanghimakak niini ug nitumbok sa pulitika nga maoy nagpaluyo sa alegasyon.

Matod sa mayor nga biktima siya sa influence peddling ug nanghinaot siya nga makita kini sa DILG ug ubang investigating body sa gobiyerno.

Buot niya nga maghimo ang DILG og panel nga motutok sa pag-imbestigar sa local nga mga official nga gilambigit sa ilegal nga drugas.

“I’m not concerned sa uban (kaso). Ang ako lang nga parehason ang imbestigasyon para dili na ma-prolong ang agony sa mga tawo nga na-involved lang tungod kay naay interested sa ilaha, ilabi na kadtong anaa sa politika,” niingon si Loot.

Nisuway na si Loot sa pagpakigsulti unta kang Duterte, apan pakyas.

Si Loot pipila ka tuig nga niretiro isip opisyal sa Philippine National Police (PNP).

Samtang si Gobernador Hilario Davide III nagtuo nga mapasakaan og pormal nga kaso silang Espinosa ug Lim.

Nagduda si Davide nga ku­wang ang “efforts” sa kapu­lisan sa pagpangita og dugang ebi­den­­­siya batok kanilang Espinosa ug Lim. Base sa mga balita nga na­­­dungog ug nabasa ni Davide, nag­­tuo siya nga lig-on ang ebi­den­siya batok ni­lang Lim ug Espinosa.