Pipila ka dapit 31 ka oras nga way tubig

DI mominos sa 31 ka oras nga mapawong ang tubig sa Metropolitan Cebu Water District (MCWD) sa mga konsumedor sa siyudad sa Sugbo ug Talisay sugod ugma hangtod sa Biyernes kay dunay ayuhon.

Si Charmaine Rodriguez-Kara, tigpamaba sa MCWD, niila sa mga dapit nga mapagngan og supply sa tubig nga naglakip sa Bulacao, Inayawan, Cogon Pardo, Pardo, Kinasang-an, Basak San Nicolas, Quiot, Mambaling, N. Bacalso Ave., Duljo, San Nicolas Proper, Sawang Calero, Suba Pasil, Pasil, Pahina San Nicolas, Pahina Central, Kalubihan, Sanciangko, Ermita, Colon, Sto. Niño, Parian, San Roque, Tinago, ug Kamagayan sa dakbayan sa Sugbo ug pipila ka bahin sa siyudad sa Talisay.

Ang pagpawong magsugod sa alas 10 sa buntag ugma hangtod sa alas 5 sa hapon sa Biyernes. (SCG)