Comelec mideklarar ni Alcover nga mananaug batok kang Guardo sa 2013

ANG First Division sa Com­mission on Elections (Comelec) ni-affirm sa proclamation ni Lemar Alcover isip official nga napiling barangay kapitan sa Sambag I, Dakbayan sa Sugbo.

Sa 14-ka pahina nga resolution nga giluwatan niadtong Pebrero 2, ang First Division sa Comelec nibaliktak sa Mayo 14, 2016 nga hukom sa Branch 3 sa Municipal Trial Court in Cities (MTCC) sa Cebu City nga nagdeklarar kang Ma. Ailien Guardo isip mananaug sa 2013 barangay elections sa Sambag I.

Si Guardo nipasaka og election protest human si Alcover gideklarar nga mananaug human sa 2013 barangay elections, nga nagtumbok sa kalapasan sa mga balaud sa piniliay.

Ang trial court nipabor kang Guardo human nakaplagan nga siya nakakuha og 3,052 botos, kon labaw nga 73 botos batok kang Alcover nga dunay 2,979.

Ang hukom sa hukmanan nakaaghat kang Alcover sa pag-apelar sa hukom sa Comelec sa Manila pinasikad sa giingong kapakyas sa MTCC sa pagdaug ni Guardo.

Sa revision sa mga botos ug pakisusi nga gihimo sa korte nagpakita nga si Guardo nilabaw og 73 botos human siya makakuha og 3,052 bo­tos samtang si Alcover dunay 2,979 botos.

Sa labing uwahing resolus­yon, nagpakita nga si Alcover midaug batok kang Guardo og 204 botos human ang Comelec nidawat sa stray ballots nga giangkon niini.

Ang stray ballots nagpakita pabor kang Alcover.

Sa interbyu, si Alcover niingon nga wa na siya makugang sa hukom.

“I’m no longer surprised because I know and I believe that I was really the real winner during that election,” sulti niya sa SunStar Cebu.

Matod ni Alcover nga reso­lusyon nagpakita nga wa siya makahimog mga kalapasan sa miaging eleksyon.

“Despite the election protest, my service to the people of Sambag I did not stop because I have already secured an injunction in court and the Comelec decision is an affirmation,” siya niingon. (RVC)