3 ka pasahero sa motor banca wa pa igkita, PCG miluwat na og report

GILUWATAN na sa Philippine Coast Guard (PCG) - Cebu Station og Enforcement Inspection Apprehension Report ang tag-iya ug ang kapitan sa Motor Banca Habagat R diin sakay niini ang di mominus 34 ka tawo diin ang duha niini patay samtang tulo ang missing.

Sa pagkakaron, gisuspenso unsa sa Cebu.

Ang Coast Guard nihimo og search and rescue operation sa tulo ka missing nga hangtod karong higayona wala pa makit-i.

Matod ni Ens Ronnie Eras, PCG, deputy commander CGS Cebu, nga tungod sa nangagi nga bati nga panahon susama sa bagyo nga nasinati sa Sugbo, gihunong una nila ang pagpangita sa missing.

Sa labing uwahi nga pagkig-coordinate nila sa unang estasyon sa coast guard wala’y bisag parte sa lawas man ang nakit-an ingon man ang ilhanan.

Gihatagan ra usab nila ang kapitan nga si Romar Hermosilla M/V Habagat R ug ang tag-iya niini nga si Rene Misa og 10 ka adlaw aron motubag sa EIAR subay na usab sa upat ka kalapasan nga nahimo niimo niini sa pagbiyahe sa maong motorbanca.

Hinuon gipahibaw ni Eras nga wala gitanggong ang duha tungod kay wala’y bi­san usa sa biktima ang nipasaka og reklamo.

Lakip sa kalapasan nga natala sa coast guard kining pagbiya sa motor banca nga wala’y clearance sa PCG, wala’y lisensiya nga motorbanca, kapitan ug ang motorman o ang tag-iya.

Dugang ni Eras nga sunod semana gikatakda nga moatubang ang duha kang CGS Commander Jerome Cayabyab alang sa adjudication process.

Possible nga moabot sa 100,000 ang multa nga ipahamtang sa duha. (HBL)