Klase sa tibuok lalawigan sa Sugbo gikanselar ni Davide

GISUSPENSO ni Gobernador Hilario Davide III ka­rong adlawa ang mga kla­se sa tanang mga ang-ang sa publiko ug pribadong mga tunghaan sa lalawi­gan sa Sugbo gumikan sa bagyong Basyang.

Kini subay sa tambag ni Engr. Oscar Tabada, director sa Philippine Atmospheric, Geophysical and Astronomical Services Administration.

Apan sa Cebu City, pabut-on ni Mayor Tomas Osmeña ang eskwelahan kung magklase ba o dili karon.

Sa Mandaue City, gi-suspend ni Mayor Luigi Quisumbing ang klase sa elementary ug high school sa public schools. Naa ra sa private schools kung magklase ba o dili, matod sa mayor.

Si Jules Regnes sa Provincial Disaster Risk Reduction and Management Office niingon nga gi-monitor nila ang mga lungsod ug siyudad nga sagad bahaan ug dunay insidente sa pagdahili sa yuta. (SCG)