Illegal drugs naa gihapon sa Sugbo; Duterte mibahad naay matumba

“OG naa mo sa droga, pasensiya gyud mo.”

Kini ang subling bahad ni Presidente Rodrigo Duterte ngadto sa mga sakop sa Philippine National Police nga padayon nalambigit sa kalihokan sa gidili nga drugas sa iyang pakigpulong sa pagbukas sa Malasakit Center sa Vicente Sotto Memorial Medical Center kagahapon.

Ang presidente nipasida­an nga naay matumba sa u­­­maabot nga mga adlaw, apan wa niya nganli ang personalidad nga iyang gipasabot.

“Di na ako masiguro og kinsa gyud, pero one of these days naa gyuy matumba,” sumala ni Duterte.

Siya nihulga nga magka­giyera gyud kon padayon nga magpabadlong ang kapulisan nga malambigit sa gidili nga drugas.

Siya nipasidaan nga ang Sugbo pabilin nga suliran sa gidili nga drugas.

Sa iyang pakigpulong, gihisgutan usab ni Duterte ang iyang tinguha pagwagtang sa subasta sa Bureau of Customs nga iyang gihulagway nga maoy tigsabot kanus-a isubasta ang maimbargo nga mga kargamento.

“Ayaw gyud sa akong panahon kay pangtulion jud ta mo,” dugang ni Duterte.

Si Duterte milambit sa pipila ka mga public official sa pagpadagan sa illegal drugs dinhi, apan nanghimakak sa alegasyon sa Presidente. (SCG)