Palma nanghinaut nga drug campaign mAs maepektibo

Sheila C. Gravinez

SI Cebu Archbishop Jose Palma nanghinaot nga mangita og mga paagi ang awtoridad aron mahimo nga epektibo ang kampanya batok sa gidili nga drugas.

Gawas sa mga operasyon batok sa mga drug personality, matod sa arsobispo, angay nga tutokan sa gobiyerno ug seryusohon ang drug rehabilitation program sa mga surrenderee.

“Let’s be serious about war on drugs but the whole idea is what best to do with surrenderees, what best to do those who want to change in the list but are not yet given the opportunity to be subject to rehab program,” pahayag ni Palma sa pakighinabi sa mga tigbalita kagahapon.

Sa usa ka memorandum, si Presidente Rodrigo Duterte nimando sa pagpabalik sa Philippine National Police sa gubat batok sa gidili nga drugas, apan ang Philippine Drug Enforcement Agency gihapon ang nag-unang ahensiya sa kampanya.

Si Palma subling nipada­yag nga nipaluyo sila sa intensyon sa pagsumpo sa gidili nga drugas sa gobiyerno apan duna silay kwestyon sa mga pamaagi niini labi na kon dunay mamatay sa mga operasyon sa kapulisan.