Katapusang P2,000 ihatag sa senior citizens

ANG kataposang paghatag og pinansiyal nga hinabang sa mga senior citizen ipahigayon karong Disyembre 17, 2017.

Matod pa ni Domingo Q. Cha­ves Jr., pangu sa Office of Senior Citizens Affairs ( Osca) nga sa Disyembre 9 unta ni ihatag apan gibalhin Disyembre 17 kay dunay usa ka semanang kalihukan nga “Regional Youth Press Conference” ang Department of Education (DepEd).

Ilang madawat ang P2,000 alang sa Nobiyembre ug Disyembre.

Ang mga venue sama ra sa nangaging pag-apod-apod, gikan sa alas 8 sa buntag kutob sa alas 12 sa udto.

Naa sa 67,300 ang numero sa mga Senior Citizen nga kuwalipikado nga makadawat sa pinansiyal nga hinabang.

Aron sab makadeterminar nga kuwalipikado kini, kinahanglan rehistradong botante sa Commission on Elections (Comelec) gikan sa 2010 paubos ug katong nirehistro og 2011 pataas, kinahanglan pani og Cebu City amendment.

Adunay 15,000 senior citizens waiting list nga naka rehistro sa 2011 pataas.

“Katong mga naka register 2010 below daghan pa nila ang nag waiting ug maong ang atoang system ana it will be first come first serve and it is based upon ready sa filing ug karun ang matagaan nato sa umaabot nga Disyembre 17 kato ang nag file sa March 15, 2017 para ni katong mga nauna”, dugang ni Doming.

Ang katong sa March 16 pataas sa sunod na sila nga distribution. (Mary Diane Salasayo - USJR Intern)