Kasabotan sa ACT, City Hall gipirmahan na ni Osmeña

GIPIRMAHAN na ni Cebu City Mayor Tomas Osmeña ang compromise agreement tali sa City Government ug sa Asian College of Technology International Education Foundation (ACTIEF) isip areglo sa utang sa syudad sa maong tunghaan.

Subay sa maong pagpirma, ang parehong habig mosumiter karon sa korte sa ilang motion for reconsideration aron sa hingpit na nga pag-aprobar sa compromise agreement.

Ang korte mao ang mo areglo sa maong kasabutan karong adlawa kon maaprobahan na sa kor­te ang maong joint motion, ang siyudad mobayad na lang og P56 milyones gikan sa pasiuanng billing niini nga P136.9 million niadtong school year 2014-2015.

Nipasaka og petisyon nga decla­ratory relief ang syudad aron modesider kini kon angay ba nga bayran sa kagamhanan ang utang niini subay sa pag-implementar sa scholarship program sa syudad.

Si Osmeña sa iyang bahin nagkanayon nga wala siya’y nakita nga sayop ni Cebu City South District Congressman Bebot Abellanosa kabahin sa maong isyu.

Si Abellanosa mao ang tag-iya sa ACTIEF. (HBL)