Langyaw nakit-ang patay sulod sa pension house

PATAY ug hubo na nga nadiskubrehan sulod sa pension house ang usa ka langyaw pasado alas siyete sa milabayng gabii sa downtown area sa Cebu City.

Ang namatay naila nga si Werner Wolfgang Hieke, 60 anyos, ug anaa manimuyo sa lungsod sa Tabango, lala­wigan sa Leyte.

Sa imbestigasyon nila ni SPO2 Wetzil Berry ug mga kauban nasuta nga unang nakadiskubre si John Paul Cose, ang roomboy.

Si Cose nanuktok sa lawak nga giokupahan sa ni Hieke aron kini pangutan-on kon mo extend ba sa iyang pag estar, apan wa na kini motubag pa.

Mibalik sa front desk si Cose ug nangayo og duplicate sa yawe aron susihon ang lawak sa biktima.

Sa ilang pag abli, ilang nakita nga way sapot ang biktima nga naghayang sa sawog.

Way nakitang samad o bun og ang kapolisan sa lawas sa biktima ug gituohan nga kini giatake sa kasingkasing.

Gisubay usab sa kapolisan kung aduna ba kini kauban sa pag-checked in niini sa maong pension house niadtong Septiyembre 11. (JFT)