Helper sa pulis gitipi; killer wa ilhi

KATABANG sa pulis nga gituohang naalaang asset gipusil patay sa wa mailhing tawo niadtong Martes sa buntag sa national highway sa Sitio Tayong, Brgy.Guibuwangan, lungsod sa Barili.

Si Leonil Bayate,42, ulitawo, taga Brgy. Nabunturan, dead-on-arrival sa tambalanan human nakaangkog samad pinusilan sa likod sa buko-buko.

Si Sr.Insp. Jose Angelo Acupinpin, hepe sa Barili Police staion nga nahinabi Superbalita Cebu, nagkanayon nga posibling naalaan si Bayate nga asset sa pulis.

Gibutyag niya nga si Bayate maoy kaabag sa panimalay ni PO3 Fred Julio Careon,nga nadestino headquarters sa Cebu Provincial Police Office (CPPO).

Matod pa niini nga way kontra si Bayate ug maayo kining tawo sa ilang lugar.

Hinuon ilang ilakip sa imbestigasyon ang kabahin sa drugas.

Si Acupinpin niingon nga si Bayate usa sa mga surrenderer nga drug user.

Apan buotan kini, walay nakontra sa ilang lugar hinungdan nga gawas sa nadudahang asset, posibling naalaan kini sa killer. (GPL)