Pusher og peke nga shabu gipatay

Joy F. Tumulak

USA ka suspek nga drug pusher og giingong peke nga shabu ang gipusil-patay sa Sityo Quijano compound, Barangay Calamba, dakba­yan sa Sugbo, pasado alas 9:00 sa milabayng gabii.

Sumala sa kapulisan, ang biktima mao si Louie Sabellano, 32, taga Basak Pardo, nakaangkon og lima ka mga samad pinusilan sa nagkalainlaing bahin sa lawas.

Dugang nasayran sa kapulisan, si Sabellano gitumbok nga mamaligyaay og peke shabu gamit ang tawas busa daghang kontra sa dapit.

Sila si SPO1 Wetzil Berry sa Homicide Section nagkana­yon nga agtambay sa lugar ang biktima sa dihang giduol sa mamumuno ug gipusil.

Nakuha sa kapulisan ang li­ma ka kabhang sa bala gikan sa kalibre 45 sa dapit.

Ang kaipon sa biktima, Ma­ri­chu Coyoca, niingon nga kauban niya kini sa wa pa ang hitabo apan nibuwag og kadali aron mopalit lang og ice candy.