Osmeña kompiyansa sa election protest; gidaut siya ngadto ni Duterte?

Herty B. Lopez

KOMPIYANSA si Cebu City Mayor Tomas Osmeña nga siya gihapon ang modaog ug magpabilin nga mayor subay niining mando sa Commission on Election nga dalhon sa kaulohan ang ballot boxes sa pilot protested precincts sa election protest ni kanhi mayor Michael Rama.

Ang mayor wala ra mabalaka kabahin niini.

Sa mando sa Comelec Second Division niadtong Abril 17, nimando kini sa dakbayan sa Sugbo ug sa City Treasurer's Office nga mohimo og inventory ug i-seal ang ballot boxes sa 168 ka pilot protes­ted precincts ni Rama kang Osmeña.

Human sa sealing ang Cebu Provincial Election Supervisor gimanduan sa pag-deliver sa contested ballot boxes sa Comelec PhilPost warehouse sa Port Area sa Manila.

Ang mga presinto naglakip sa Barangay Ermita, Kamputhaw, Mabolo, Sambag I, T. Padilla, Basak Pardo, Basak San Nicolas, Bulacao, Guadalupe, Inayawan, Calamba, Poblacion Pardo ug Punta Princesa.

Samtang, gitubag ni Osmeña ang isyu nga aduna'y nagpaluyo nga black propaganda batok kaniya diin gisabong sila ni Presidente Rodrigo Duterte.

Si Osmeña niklaro nga wala niya gikomparar ang iyang kaugalingon ngadto kang Duterte subay sa black propaganda nga una na niya gitubag sa iyang official Facebook page.

Sa page ni Osmeña iyahang gitubag ang post sa “Bisaya Na Pud” page nga wala’y “panama” matod pa ang Pre­sidente kaniya.

Matod sa mayor nga wala niya gikomparar ang iyahang kaugalingon kang Du­terte ug matod niya daghan sila og similarities gawas lang nga ang Presidente mas maisogon.

“Believe me. I’m cheering when he says he'll throw these tax evaders out of the helicopter," matod sa mayor.