`Pusher' nasikop sa brgy. kapitan, tanod sa Talisay

Dennes R. Tabar

TIGPAYUHOT og shabu sa dakbayan sa Talisay namaligya atubangan sa baran­gay hall hinungdan nga gidakop sa barangay kapitan ug tanod.

Naaktuhan ang suspek nga namaligya sa illegal drugs kay diha kini buhata atubangan sa mga opisyal nga way pupanagana. 

Ang suspek giila sa kapu­lisan nga mao si Jerson Aba­diez, 26, ulitawo, taga Upper Candulawan.

Matod ni PO1 James Carillos sa Talisay City Police Station nga si Kapitan Josefina Concial ug ang hepe sa ilang tanod nga si Nicasio Abendan maoy nakasakop sa gikatahapan.

Si Abadiez wa nay kaikog nga adto na mamaligya atubangan sa ilang barangay hall.

Bisan pa niini, sige kini sa illegal nga kalihukan hinungdan nga gisita ug girikisa nga miresulta sa pagkakuha sa usa ka gamay nga pakite sa shabu nga aduna’y timbang nga 0.2 gramo.

Si Cabrillos nihulagway nga notadong mamaligya­ay og ilegal nga drugas si Abadiez.

Bisan atubangan sa baran­gay hall adto na mamaligya sa iyang mga kustomer nga way kukahadlok.

Kagahapon, si Abadiez gipasakaan nag tukmang kaso samtang anaa kini karon sa detention cell sa Talisay Police Station.