Defending champ Tagoloan, new comer El Salvador mosulay’g daug

Jaime A. Frias II

MOSULAY ang defending champion Tagoloan Tarantulas ug new comer El Salvador Saints pag-abri og daug sa ilang unang dula atol sa 2017 Kuyamis Inter-Municipality Basketball men’s open tournament karong Sabado, Septembre 16, sa Alubijid.

Maagbat sa Tarantulas nila Jeff Morial ug Elich Alfante ang host Alubijid pagsangka nila sa main event sa ala-sais sa gabie karon.

Apan, dili angay makumpyansaan ang host team tungod masinati nila ang ihomecourt advantage.

Ang El Salvador sab modula sa ilang unang sangka sa Kuyamis tournament.

Ginganlan ni El Salvador City sports director Rey Dangcal sila Allen Ayag, Yayang Monforte, Biboy Bacasmot u gang magsuong sila Jake ug Michael Jabagat nga mangulo sa ilang opensiba.

Samtang, nasamdan ang Laguindingan sa ilang unang dula niagi ug sulayan nila ang ilang katakos batok sa Saints sa ilang panagsangka nila sa alas-4 sa hapon.

Magsangka sab ang Tagoloan ug Naawan sa 18-under boys pag-abri sa mga dula karon sa alas-dos sa hapon.