Tita Heart: Gibuwagan kay minyo

DEAR Tita Heart

Maayong adlaw kanimo tita og sa tanang nga suki sa Superbalita. Tita tawaga lang ko sa ngalan na Luz. Akong problema karon tita ang akong ka live-in. Sa una wala ko kabalo nga kasal diay siya og gibulagan ko niya atong December. Sakit kaayo iyang gibuhat kanako, grabe iyang pagpamakak kanako.

Gibyaan nako akung pamilya kay para lang sa iya pero gisayangan niya akong gugma kay namakak siya nako usab sige pa siya og tawag kanako pero ginabastos na nako siya sa pag bulag niya kanako. Aduna pa akoy gugma kaniya pero sa karun tita gilimtan ko na siya.

Lisod makig relasyon sa kasal. Mao rani Tita Heart.

Luz

*****

Hello Luz,

Maayong adlaw kanimo. Sakto imong gihimo nga bulagan gayud siya kay minyo. Lisod makigrelasyon sa pamilyado kay ikaw gihapon ang mamroblema. Kung tawagan ka niya og usab ayaw na tubaga ug insakto nalang sa pagbinastos sa pulong kaniya kay mahimo ka anang talunan.

Tita Heart