Tita Heart: Hate sa mama sa boyfriend

DEAR Tita Heart,

Maayong adlaw Tita Heart, magpatambag unta ko tita kay ang mama sa akong uyab dili gayud siya ganahan sa akoa. Wala ko kabalo tita ngano pero makadungog ko sa storya mosurok daw iyang dugo pagmakita niya mokuyog ko sa iyang anak. Tita maayo man kaayo ko sa iyaha pero gabundak-bundakan ko niya. Wala ko kabalo tita unsay rason nganong dili siya ganahan. Love raba kaayo nako iyang anak tita ug dili pod ko gusto magbulag mi tungod lang ana.

Karla

*****

Hello Karla,

Dili gayud malikayan nga sa usa ka gatos nga tao naa gyod dili ganahan sa imoha sa walay igong hinungdan. Apan nakapait lang sa imong parte kay ang tao nga dili ganahan sa imoha inahan pa sa imong uyab. Dili man toud nimo siya ma-please apan padayon lang og pakita sa maayong pamatasan.

Respetoha siya ug ayaw pansina iyang kaulit sa imoha. Basin diay makahuna huna siya sa iyang sayop nga pagtagad kanimo. Kon magkita mo panimbaya og insakto ug ayaw siya pakitaa nga naulit pod ka sa iyang gihimo. Kay love man nimo iyang anak, hinay-hinaya og dawat ang kinaiya sa iyang inahan. Tipik rana sa hagit sa inyong relasyon.

Tita Heart