Tita Heart: Online diay sa FB

DEAR Tita Heart,

Maayong adlaw tita ug sa atong mga suki sa SuperBalita. Ako diay si Charlie tita. Akong problema akong gf nga suko kay ko hangtud karun kay naay one time nga nag tawag-tawag mi mga midnight nato unya nikalit lang siya ug wala na ni tingog so nag expect ko nga tulog na. Gisabot pud naku tita kay basin pud gikapoy siya dayon pag open nakog Facebook, online man diay.. Ana siya kung dina gani siya ka tingog pag tabi namo it means tulog na siya pero nganung nag online man siya nga na seen pa gani niya akong message. Kung tulog na, dili nato ma seen. Ambot tita maka walag gana, lami na kau mag scandalo dayon. Wala ko kabalo unsay buhaton sa among 2years in relation bulag or call off. Tita paabot ko sa imung tambag salamat kaayo. Kada adlaw jud ko ga basa saimong mga tambag.

Charlie

****

Hello Charlie,

Maayong adlaw kanimo. Kasabot ko sa imong gibati kay love kaayo nimo imong uyab pero unta imong huna-hunaon nga dili mo mag-abot og two years kon gibinuangan lang ka niya diba? Mabaw ra kaayo imong gikasuk-an sa iyaha.

Bisan sa akoa gakahitabo na ang susama ana. Tungod sa kakatulgon makatulgan ang kaestorya ug kana pod ang na seen niya ang msg sa chatbox...posibleng natandogan niya iyang cellphone kay sa akoang experience ma seen nako ug bisan gusto pa nako moreply dili na mahimo kay makapiyong na gyod. Ayaw i judge imong gf tungod lang ana nga rason.

Sa relasyon, gikinahanglan gayud ang pagsalig. Kon wala kay pagsalig sa imong uyab siguro makaduda pod imong love sa iyaha. Daghan gakabulag tungod sa selos-selos. As long as iyang gipasalig iyang love sa imoha ayaw hatagi og bili ang gagmayng butang nga makadaot lang sa inyong relasyon.

Tita Heart