Long distance relationship

Kris C. Sialana

USA ka ba sa nagsaulog sa Valentine’s day karon nga nag-inusara? Dili tungod kay wala kay hinigugma apan wala ang minahal sa imong kiliran sa adlaw sa mga kasing-kasing.

Alone but not lonely? Nag-inusara apan napuno sa gugma? Well, matud pa nga wala’y distansiya kung ikaw tinuod nga nahigugma apan kinsa ba ang gaingon nga maayo ug sayon ang pakigrelasiyon ilabi na kung layo o naa sa Long distance relationship (LDR)?

Giingong dili sayon ug dili lalim nga imong minahal sa kinabuhi dili nimo mahikap, ma-hug ug makauban panahon sa mga espesiyal nga okasiyon sa inyong kinabuhi apan moabot gihapon ang panahon nga itugot na sa kahigayonan ug sa labaw nga Makagagahom nga kamo maghi-usa ug magkauban sa saktong panahon.

Usa ka 28 anyos nga ulitawo hugot nga nagtoo nga dili tinuod nga wala’y magdugay nga relasiyon kung ugaling layo mo sa matag-usa. Gipamatud-an kini ni Benjie Ogabang aka Franco, 28 ug ni Irish Jane Baculio, 25 anyos kinsa anaa na sa nasud sa Australia hangtod karong mga panahona.

'I’ve been in a relationship for almost 11 years. 5 years ana is LDR, through ups and down, we are like a basta. Haha Dili malikayan makasala ko pero I've leaned from my mistakes man sad” matud pa ni Benjie.

Nagsugod sa “puppy love” ang relasiyon sa duha diin niadtong anaa pa kini sila sa High School. Fourth year high school kaniadto si Benjie samtang anaa usab sa 3rd year si Irish ug managsilingan ra usab sila.

Ibog-ibog, pa cute-cute ug sungog sungog hangtod nga nagkarelaisyon sila apan kini ubos sa mga kondisyon human sa mokabat usa ka tuig kay lage sipat ug “badboy” man kining si Benjie.

“Tungod kay bad boy ko before, grabe gyud nako antos nga sugton ko niya for almost a year ayha ko niya ge sugot. Gi sugot ko niya pero naa mga “conditioness” haha, undangan naq pagka palahubog, sigarilyo ug mga babae, siyempre sugot ko uy, kay love lage buhaton ang tanan,” ang pahayag ni Benjie.

Gibutyag niini nga malipayon kaayo kini ato nga mga higayon gani hinay-hinay niini nga giwala ang iyang mga bisyo ug hangtod nga nahanaw gyud kini. Si Irish matud pa ang usa sa mga nakabag-o sa iyang kaugalingon ilabi na sa panglantaw sa kaugmaon ug ang iyang kinabuhi ug kalibotan gatuyok lamang kay Irish kini iya nga gihigugma pag-ayo.

Milabay ang katuigan ug miabot na sa unom ka mga tuig nga malipayon ang duha isip managhinigugmaay apan niabot ang sakit nga parte sa relasyon niini sa dihang buot na nga kuhaon sila Irish sa iyang inahan nga anaa sa Australia.

Pinakasakit usab niini sa dihang mi-abot na ang adlaw nga molarga na sa gawas sa nasud sila si Irish ug didto na manimuyo apan wala matud pa kini mahimo tungod kay para man kini sa kaugmaon ni Irish.

“Hangtud ni- abot ang time nga need na sila kuwaon sa iyang mama sa gawas ug kailangan ko niya biyaan, wala sad koy mahimo kay para man sad na sa iya maayo nga future. Hangtud nga ni abot ang adlaw nga nilakaw na sila going to Australia, 6 years na mi ana ha ayha siya nilakaw” ang pahayag niini.

Bisan nga layo apan gipaningkamotan sa duha nga dili niini mabatian ang gilay-on nila atong mga panahona ug hangtod karon gumikan kay gibuhat ni Benjie ang tanan aron nga magpadayon sila nga mag malipayon.

“Bisag layu kaayo mi pero taas na kaayo na duha ka oras nga dili ko makig communicate so mao gyud na ang sekreto sa lagyo nga relation, Salig ug communication ug isalig ang tanan sa Ginoo” pahayag niini.

Giingong niadtong tuig 2015 sa dihang mipauli si Irish sa Pilipinas wala na magduha-duha si Benjie ug gi-grab ang opurtonidad ug kahigayonan diin nag propose kini atubangan sa ilang pamilya diin malipayon usab nga gidawat ni Irish.

“Pag uli niya atong 2015 nag propose diay ko sa iya. Atubangan sa amung family ug grabee niya hilak kay dili siya maka too ako to nabuhat ug wala siya’y choice and she said “YES Baby Yessss!” ang pasiaw niini nga pahayag.

Apan tungod na usab kay lagi dili na man niini pinuy-anan ang Pilipinas kay permanent residence naman sila Irish sa Australia niabot gyud ang panahon nga nakahuna-huna kini nga tapuson na lamang ang ilang relasiyon kay lage gikapoy na kini sa ilang sitwasiyon.

“Dili sad gyud malikayan nga maka hunahuna kog kakapoy madam, Maka pangutana ko ngano man ga antos ko sa in-ani nga relation??? Yes ako nang napangutana. Kay gaka suya ko sa uban nga kauban nila ilang mahal sa kinabuhi, date2x, holding hands ug samot makakita ko’g baby. Naa gyud time nga in-ana ug para sa ako gaka depress ko ,Ako gyud siya gi-ignan nga dili naku happy sa akung kinabuhi sa amung relation ,gi-ignan naku siya ana nga bulagan nlang ko nya” pahayag niini.

Giingong nakurat usab ato nga panahon si Irish ug nasakitan sa giingon kaniya ni Benjie apan gi let go kini siya gumikan kay di pud gusto ni Irish nga mag-antos si Benjie.

Nagtoo kini si Benjie nga magmalipayon kini human nga nakigbulag sa iyang fiancée apan na realized niini nga dakong sayop ang iyang desisyon tungod kay dili niini kaya nga mawala sa iyang kinabuhi si Irish.

“Mao nga nakurat kaayo siyaa nga ako to na istorya sa iya ug dili sad siya gusto nga mag antos ko mao nga gibulagan ko niya. Akong kinahuhi pag bulag namo, inom dinhi, inom didto, hubog dinhi, hubog didto, permi kabuntagan ug inom, sugal sulod sa bulangan.Bisyo! mao na for almost one month sugod sa among bulag , mao akong kinabuhi mura ko’g nakagawas sa prisohan!” butyag ni Benjie.

Mapasalamaton kaayo kini ni Irish gumikan kay bisan pa sa sayop nga nahimo pabilin kini siyang gidawat ug karong going stronger ang ilang relasiyon diin anaa na sa almost 11 years and counting.

“Abi nako kaya nako nga mawala siya. Pagtuo ra gyud diay naku ang tanan. Mao nga nakig balik ko niya. Dili basta2x amung kaagi. Dili sayun mag 11 yrs nami this coming July 21, going stronger than before,” ang malipayong pahayag niini.

Advice niini sa mga magka relasiyon nga LDR nga ang sekreto lamang aron nga magdugay mao nga himoon nga sentro sa relasyon ang Ginoo ug pagsalig ug komunikasiyon.

“Communication, salig sa usag-usa ug pag ampo sa Ginoo. Let Jesus be the center of your relationship,” ang pahimangno ni Benjie.

“Sa mga LDR diha distance means nothing when you truly love someone sakto ba?? Haha. Salig lang sa isat-isa og kauban sa pag-ampo sa Ginoo kay wala’y imposible sa Iya,” dugang niini.

Karong panahona nagtuo si Benjie nga magmalampuson ang ilang relasiyon ug LDR truly works for the both of them ug excited na kini sa giingong “Long Distance No More,” alang kanila ni Irish.

Saad pod niini sa iyang pangasaw-unon nga andam kini nga magpaabot no matter when!

So mga ka Super kung anaa ka sa LDR karong panahona himoa kini nga sumbanan ug isalig ang tanan sa Ginoo ilabi na diha sa inyong panaghigugmaay tungod kay sa giingon pa nga “Distance is just a test to see how far love can travel and it never separates hearts that really care.”