Tita Heart: Ga-monitor pirmi

Dear Tita Heart,

Maayong adlaw nimo tita ug ingon man sa suking gabasa sa SuperBalita. Tawga ko sa ngalan nga Tata. Akong problema tita akong bana nga murag praning kon dili ko makauli og takdo alas 5 sa hapon. Molapas na gani gamay, tabuon ko niya og yawyaw kay asa daw ko nihapit-hapit. Kabalo siya tita 4:30 akong out pero tita sumhan nako. Kini man gud akong bana nag stop ang work kay nag-close ilang kompanya. Karon gatambay grabe kon maka-monitor. Matawag paba ni nga love tita?

Tata

*****

Hello Tata,

I’m sure love kaayo ka sa imong bana kay gusto niya makita ka pirmi. Apan lang tungod sa iyang dakong gugma nimo mao rag wala nakay freedom. Dawbi kon naay kakulian sa imong trabaho masuko lang gihapon siya? Angayan nimo siya pasabton anang mga butanga ug ipasabot nga kon nagsalig sa imoha dili ka higpitan og monitoron sama niana.

Tita Heart