Tita Heart: Naay nahitabo sa ex

DEAR Tita Heart,

Maayong adlaw kanimo tita ug sa mga suki sa SuperBalita. Tita gaproblema ko karon sa akong uyab kay iyang ex nga dugay kaayo siya naka-move on ug ako ang nitabang niya nga makalimtan niya iyang ex ang nibalik ug nagkita sila. Ang worst tita sa ilang pagkita naay nahitabo nila. Tita giangkon na sa akong girlfriend sa ako karon ug naulit kaayo ko sa iyaha. Wala ko kabalo unsa akong buhaton nasakitan kaayo ko. Unsa man akong buhaton tita? Love kaayo nako akong girlfriend pero wala ko kabalo unsaon ni.

Ariel

*****

Hello Ariel,

Obvious kaayo imong girlfriend wala pa totally naka-move on sa iyang ex kay nganong pagkita palang nila og balik nahitabo dayon ang dili mahitabo. Siguro gimingaw sila og maayo sa usag usa. Ayaw ipilit imong kaugalingon sa babae nga kulang og pagmahal sa imoha kay kon tinoud man gud nga love ka sa imong gf dili na siya makigkita sa iyang ex. Kanang pag tug-an niya sa imoha gibati lang siya og guilty sa iyang nahimo. Pangita og laing girl nga ikaw ang sentro sa iyang kinabuhi ug ayaw nang gakabahin ang hunahuna.

Tita Heart